Miðvikudaginn 8. maí 2019, hélt HEILAHEILL vel sóttan kynningarfund um slagði í Rauðakrosshúsinu í Búðardal undir slagorðunum, “Látum slag standa”! Baldur Kristjánsson, stjórnarmaður HEILAHEILLA, hóf fundinn með því að bjóða fundarmenn velkomna og sagði svo frá sinni reynslu af áfallinu. Þá tók Þórir Steingrímsson formaður við og fræddi fundarmenn um starfsemi félagsins og hvaða þjónustu það veitir landsmönn-um og hvað ber að varast og ekki síður hvernig hægt væri, þá með réttum viðbrögðum, koma í veg fyrir frekari skaða. Hann greindi einnig frá þeim framförum og nýungum er hafa átt sér stað á Landspítalanum að undanförnu, m.a. um sega-brottnám sem er nýlega hafið hér á landi og sýndi fréttamyndbönd þar að lútandi. Lögð var áhersla á að landsbyggðin væri ekki undanskilin. Að lokum sagði Melkorka Benediktsdóttir nokkur orð og þakkaði fyrir þessa þarfa kynningu. Menn voru glaðir og þakklátir er þeir fóru heim.
