APPIÐ – Heila-App

Þetta app er ókeypis í alla snjallsíma og getur hver sem er sótt það í gegnum sína veitu (store).
Í Apple App Store, Google Play og Windows Store

Heila-App

Hver notandi opnar sína veitu, ýtt á leitina (stækkunarglerið), slegið inn “Heilaheill” og þá birtist appið. Þá birtist gluggi þar sem er óskað eftir kennitölu og síðan birtist orðið SLAG.

Undir hverjum staf er lýsing á fyrstu einkennum slags og getur hver og einn fræðst um einkennin. Þegar notandinn er fullviss um að hann, eða honum nákominn, sé að fá slag sendist kennitalan sjálfvirkt í SMS (textaboðum) í Neyðarlínuna 112.

Starfsmaður Neyðarmóttökunnar mun sjá hver sendir og vegna hvers! Hafi notandinn ekki burði að tala eða gera grein fyrir hvar hann er, þá getur Neyðarlínan sett í gang leitun að snjallsímanum með nokkurri nákvæmni og leiðbeint bráðaliðum. Þetta eykur á öryggi hvers og eins er býr yfir þessari tækni. Eru allir hvattir til að nýta sér þetta og deila því með öðrum!

Velferðarráðuneyti