Slagbragur

Mittismálið er okkar mál

Ef lifa viltu langan dag,

ljúfur, hress og teitur,

laus við kvilla, slen og slag

er slæmt að vera feitur.

 

Við því ég jafnan vara verð

að vandi er mikill hjá þér

ef þú lengur ekki sérð

ofan á tærnar á þér.

 

Passaðu þitt mittismál,

– mjór sé þjór og magi,

hraustur kroppur, heilbrigð sál

og heilinn í fínu lagi.

    

Ef þú spyrð hann Albert Pál

hann ansar “þú forðar slagi

ef passar þú þitt mittismál,

mjór sé þjór og magi

og hraustur kroppur, heilbrigð sál

og heilinn í fínu lagi.“

 

Ólafur Skúli