Laugardaginn 13. febrúar opnaði Heilakaffi í fyrsta sinn. Tæplega 20 manns sóttu fundinn i Rauða salnum og mæltist hann vel fyrir að sögn viðstaddra. Menn sögðu sínar áfallasögur en einnig frá batanum og þeirri vegferð sem þeir eru núna staddir á eftir heilaslag í blíðu jafnt sem stríðu. Einnig voru almennar umræður um tilveru þeirra sem sóttu fundinn og menn báru saman líf sitt, tilfinningar og vonir. Fundurinn reyndist góð upplýsing og samstaða fyrir alla viðstadda og hvetjum við sem flesta að sækja næsta fund annan laugardag í mars. Ákveðið var í sameiningu að halda þessa kaffifundi einu sinni í mánuði til að byrja með. Við hvetjum alla til að koma og tjá sig eða hlusta og eiga samveru saman. Eftir okkar fyrsta kaffifund lítum við á þennan fund sem mikla eftirfylgni við endurhæfingu og hið daglega líf sem nú er tekið við.
