Fulltrúar þeirra fjölmörgu Íslendinga sem hafa nýlega notið þjónustu Landspítala háskólasjúkrahúss [LSH] mættu í fundaraðstöðu Grensásdeildar að beiðni framkvæmdastjórna LSH. Var hópnum ætlað að gefa álit sitt á skipulagi sjúklingaþjónustunnar á hinu nýja sjúkrahúsi við Hringbraut, sem nú er í undirbúningi, þar sem leitast er við að tryggja að hagsmunir sjúklinganna og þarfir þeirra verði þar í öndvegi. Umræðunum stjórnaði Susan B. Frampton, Ph.D. forseti Planetree samtakanna sem er að vinna þessa vinnu fyrir LSH, Þarna mættu fulltrúar Heilaheilla, Parkinsonsamtakanna, mænuskaðaðra, MS-félaginu, Hollvina Grensásdeilda. Það fór vel á með mönnum og fulltrúarnir gáfu sitt álit umbúðalaust, um núverandi ástand og hvaða hugmyndir höfðu um framtíðina. Þá lýstu fulltrúarnir bæði mikilvægi Grensásdeildar og því fjársvelti sem hún verður fyrir og hvað mætti betur fara.
