Þing landssambands fatlaðra Sjálfsbjargar var haldið að Hátúni 12, í Reykjavík dagana 19. til 20. Það ályktaði um brýn málefni fatlaðra, sem m.a. varða stoðþjónustu og hjálpartækjamál. Sérstaklega var ályktað um væntanlegt frumvarp til laga um mannvirki, sem er í undirbúningi hjá umhverfisráðuneytinu, og koma skal í stað eldri byggingarlaga. Þetta frumvarp snertir stærsta hagsmunamál Sjálfsbjargar, að tryggja aðgengi allra að byggingum og umhverfi, en samtökin gera ráð fyrir stórstígum framförum í aðgengismálum fatlaðra þegar þetta frumvarp verður að lögum og fylgjast með framgangi þess af miklum áhuga. Kosin var ný framkvæmdastjórn Sjálfsbjargar, Ragnar Gunnar Þórhallsson, formaður, Kolbrún Dögg Kristjánsdóttir, varaformaður, Anna Guðrún Sigurðardóttir, ritari, Þórir Steingrímsson, gjaldkeri og Herdís Ingvadóttir, meðstjórnandi.
Á myndinni eru frá aftari röð, Herdís Ingvadóttir, meðstjórnandi, Ragnar Gunnar Þórhallsson, formaður og Þórir Steingrímsson, gjaldkeri. Fremri röð Kolbrún Dögg Kristjánsdóttir, varaformaður og Anna Guðrún Sigurðardóttir, ritari.
Sjá myndir af þinginu.
