Laugardagsfundur HEILAHEILLA fór fram sjöunda apríl síðastliðinn og var sent út (streymt) á Facebókinni samkvæmt venju. Í kringum tíu áhorfendur fylgdust með honum á meðan honum stóð, m.a. frá Færeyjum og hægt er að sjá hann hér:
Laugardagsfundurinn er ávallt 1. laugardag hvers mánaðar frá kl.11-13 og vel sóttur af félögum, aðstandendum og gestum þeirra.
Sérstakur gestur fundarins að þessu sinni var Karl Ágúst Úlfsson, Spaugstofumaður, leikari, leikstjóri, rithöfundur o.fl. og var vel fagnað. Félagið hefur leitast við að framfylgja markmiðum sínum um fræðslu og ráðgjöf samkvæmt áherslum ráðherra hverju sinni.
Styrkir eru veittir til að m.a. að útbúa fræðsluefni og standa fyrir fræðslustarfsemi, vera málsvari og standa vörð um hagsmuni félagsmanna og bjóða upp á stuðning og ráðgjöf. Þetta gerir félagið með reglulegum hætti. Þórir Steingrímsson, formaður, útskýrði fyrir fundarmönnum þessi efni og sýndi fyrirlestur Björns Loga Þórarinssonar er hann flutti á læknaráðstefnu í janúar s.l..
Eftir það las Karl Ágúst upp úr bók sinni Aþena, Ohio og vakti kátínu fundargesta. Síðan svaraði hann spurningum um leiksýninguna “Í skugga Sveins” o.fl.. Kom fram að næsti fundur yrði laugardaginn 5. maí og yrði síðasti fundur félagsins að þessu vori.
