Aðalfundur samtakanna Hollvinir Grensásdeildar var haldinn í Safnaðarheimili Grensáskirkju miðvikudaginn 2. júlí sl..
Formaðurinn, Gunnar Finnsson, rekstarhagfræðingur, flutti skýrslu stjórnar samtakanna fyrir starfsárið 2007 til 2008 en þar kom fram m.a. markmið þeirra og að hverju hefur verið og verðu unnið, fjárhagsstaðan sem og starfsáætlun næsta árs. Tilboð Sjóvá um að styrkja og koma að byggingu nýrrar álmu á Grensásdeild naut öflugs stuðnings fundarins og eins var stuðningur Flugstoða við uppbyggingu tölvuaðgangs fyrir sjúklinga mikils metinn. Þá vakti aðgerðaleysi heilbrigðisráðuneytisins og framkoma þess gagnvart Hollvinum Grensásdeildar afar mikla undrun einkum þar sem fundurinn taldi að báðir aðilar væru að vinna að sama markmiði, sem væri að bæta langvarandi aðstöðuleysi Grensásdeildar. Fundurinn samþykkti eftirfarandi álýktun:
Aðalfundur Hollvina Grensásdeildar haldinn 2. júlí 2008 lætur í ljós vonbrigði og undrun yfir því að heilbrigðisráðuneytið hafi enn ekki tekið á aðstöðuþrengingum Grensásdeildar og að tillögum um mögulega lausn, sem ráðuneytinu barst í apríl 2007 hafi enn ekki verið svarað.
Í stjórn næsta starfsárs samtakanna voru kosinn: Edda Bergmann, Guðrún Pétursdótttir, Gunnar Finnsson, Sigmar Þór Óttarsson og Þórir Steingrímsson, og til vara Ásgeir B. Ellertsson og Baldvin Jónsson. Bergur Jónsson og Ellert Skúlason voru kosnir skoðunarmenn reikninga.
