Reykjavíkurmaraþon Glitnis, til styrktar góðra málefna, hófst laugardaginn 19. ágúst 2006, með mikilli þátttöku og voru u.þ.b. 10 þúsund manns sem skráðu sig og um 2300 manns skráðu sig í 10 kílómetra hlaupið. Það er ekki frásögu færandi, nema hvað að 43 ára, fjögurra barna móðir, Guðrún Jónsdóttir, gjaldkeri hjá Glitni, er varð fyrir heilaslagi 18. júlí s.l. og lamaðist öðrum megin, lét sig hafa það að fara þessa leið í hjólastól, fótdrifin áfram af eiginmanni sínum Sigurði H Sigurðssyni, meinatækni, til styrktar Heilaheilla. Formaður Heilaheilla, Þórir Steingrímsson, sat fyrir þeim hjónum og óskaði þeim til hamingju með hlaupið og færði þeim blómvönd í þakklætisskyni. Guðrún kvaðst ekki hafa verið kvíðin fyrir hlaupið, þó svo að það væri það stutt síðan hún varð fyrir áfallinu, heldur spennt. Hún kvaðst hafa hvatt samstarfsfólk sitt hjá Glitni að hlaupa líka og styrkja Heilaheill um leið og má sjá góðan árangur þess á heimasíðu Glitnis. Hún sá “Fyrstadagskort” Heilaheilla á Grensásdeildinni og sá að þar fór hópur fólks sem hafði fengið heilaslag, en lét ekki deigan síga. Áfall væri ekki endirinn og þetta væri ekki búið og hún væri þegar komin á fætur á hækjum og það væri bara byrjunin. Hvatti húnalla þá sem verða fyrir heilaáfalli að taka því sem verkefni sem hægt væri að leysa.
