Á málþingi HEILAHEILLA er haldið var í Súlnasal Hótel Sögu, Radisson SAS, laugardaginn 21. október s.l undir heitinu “Áfall, en ekki endirinn!” notuðu sérfræðingar er töluðu þar, læknar, hjúkrunarfræðingar, taugasálfræðingar, sjúkraþjálfarar, iðjuþjálfarar, félagsráðgjafi, talmeinafræðingar ýmisst orðið heilablóðfall, slag eða heilaslag yfir áfallið. Þetta var skemmtileg umræða og gerðu menn gaman að. Kom út á eitt fyrir þá sem hlustuðu hvaða orð voru notuð, sem vörpuðu þó ljósi á þá greiningu sem hver sérfæðingur hafði á áfallinu, er gaf þátttakendum enn betri innsýn við hvað hver átti og hvernig sjúkdómurinn birtist hverju sinni.
HEILAHEILL blandaði sér aðeins í umræðuna með með því að gefa út aðvörunarkort til almennings undir heitinu SLAG sem gátlisti yfir helstu einkenni áfallsins á byrjunarstigi. Með því gæti orðið haslað sér völl í íslenskumáli og þessu geta væntanlegir sjúklingar velt fyrir sér þegar þeir eru að fá slag, þegar þeir líta á kortið!
