“UNAÐSSTUND MEÐ ÁSTINNI” kölluðu þær Sigríður Anna Einarsdóttir, félagsráðgjafi og Margrét Sigurðardóttir, félagsráðgjafi, erindi sitt á fjölsóttum fundi HEILAHEILLA 1. Des s.l.. Báðar eru með sérmenntun í hjóna- og fjölskyldumeðferð, og kynntu sérverkefni sitt, hjónadagar fyrir pör þar sem annað hefur orðið fyrir heilsubresti. Hjónadagarnir eru haldnir á hóteli úti á landi og er gist í tvær nætur. Markmiðið er að ylja góðu sambandi með því að draga fram það besta, efla ást, unað og njóta listisemda þess. Margar fyrirspurnir bárust til þeirra og var góður rómur lagður að svörum þeirra. Í ráði er, að hér á heimasíðunni verði að finna upplýsingar og aðgangur að þjónustu þeirra. Eru allir sem eru í hjónabanadi eða sambúð, þar sem slag kemur við sögu, hvattir til að veita þessari þjónustu athygli.
