Aðalfundur Hollvina Grensásdeildar var haldinn í Safnaðarheimili Grensáskirkju miðvikudaginn 2. júlí sl.. Var hann fjölsóttur og eftir skýrslu formanns, Gunnar Finnsonar, sem er rekstrarhagfræðingur og fv. varaframkvæmdastjóri hjá Alþjóðaflugmálastofnuninni, tóku nokkrir fundarmenn til máls, m.a. Stefán Yngvason sviðsstjóri lækninga, endurhæfingarsviðs á Grendásdeildar, Ásgeir B. Ellertsson, fyrrum yfirlæknir á Grensásdeild, Guðrún Pétursdóttir, starfsmaður Háskóla Íslands, Edda Bergmann o.fl.. Var stjórninni þökkuð störfin og ný stjórn hvött til dáða um stækkun Grensásdeildar og verndunar þeirrar þekkingar sem þar fer fram. Þau Sveinn Jónsson og Anna Geirsdóttir, gáfu ekki kost á sér áfram í stjórn og skipa því nýja stjórn þau Edda Bergmann, Guðrún Pétursdótttir, Gunnar Finnsson, Sigmar Þór Óttarsson og Þórir Steingrímsson og til vara Ásgeir B. Ellertsson og Baldvin Jónsson, en þeir Bergur Jónsson og Ellert Skúlason voru endukosnir skoðunarmenn reikninga.
