Laugardagsfundur HEILAHEILLA var haldinn 6. febrúar 2010 og var mjög fjölsóttur, þurftu margir að standa til að horfa á það sem fram fór. Eftir að formaðurinn Þórir Steingrímsson gaf skýrslu um starfið á nýju ári, tók Ingólfur Margeirsson, fræðslufulltrúi HEILAHEILLA við og reifaði nokkrar hugmyndir um starfið framundan. Þá las Guðrún Stephensen leikkona kvæði Davíðs Stefánssonar „Sálina hans Jóns míns“ við góðar undirtektir. Þá tóku þeir félagar Birgir Henningsson og Guðni Már Henningsson lagið, ásamt þeim Böðvari Ólafssyni, Rakel Magnúsdóttur og Svönu Jóhannsdóttur, þá með aðstoð Ingimundar Ingimundarsonar og eig þau öll miklar þakkir skilið. Eftir gott kaffi og fínu meðlæti kaffihóps HEILAHEILLA kom Ómar Henningsson á fundinn og færði styrktarsjóðnum FAÐMI að gjöf 500 þúsund krónur, er var fagnað ákaflega á fundinum. Hægt er að fræðast um FAÐM hér á heimasíðunni. Þá komu þær Dagmar Bjartmarz og Ólöf Þorsteinsdóttir fulltrúar HEILAHEILLA í undirbúningshópi Hjartaheilla í Go Red-átakinu, sem verður 21, febrúar.
