Það var frísk kona, Matthildur Guðmannsdóttir hjúkrunarfræðingur á Landspítalanum, er kom eldsnemma úr sundlauginni í Kópavogi einn morguninn. Ekki var að sjá á henni að hún hafi orðið fyrir slagi fyrir 6 mánuðum síðan. Hún kvaðst þá hafa verið að vinna ósköp venjulega sín störf yfir daginn og fann ekki fyrir neinu, fyrr en hún lagðist upp í rúm heima hjá sér. Þá fann hún til mikils höfuðverkjar. Þá kvaðst hún hafa munað eftir útvarps- eða sjónvarpsviðtali við Þóri Steingrímsson, formann HEILAHEILLA, þar sem hann hvatti fólk er fengi snögglega höfuðverk, að leita sér læknis. Hún kvaðst hafa gert það og hringdi strax á sjúkrabíl og það stóð heima. Hún var með slag, smáblæðingar í heila og fór strax í aðgerð. Hún telur að þetta viðtal hafi bjargað sér. Þó að hún sé hjúkrunarfræðingur og vissi um hvað málið snérist, þá gerði hún sér ekki grein fyrir hvað var að gerst, fyrr en á reyndi. Hún kvaðst vera heppin, þar sem hún hlaut ekki varanlega skaða af blæðingunum, en segir fornargildi HEILAHEILLA hafa mikla þýðingu og fólk ætti að vakta sjálft sig vel við svona aðstæður. Hún kvaðst glíma við þreytu og lúa, sem er einkennandi fyrir slagsjúklinga, en hún væri að vinna síg út úr því, en það tæki sinn tíma. „Áfall er ekki endirinn“ sagði hún og kvaddi brosandi.
