RAX ljósmyndari heimsótti HEILAHEILL laugardaginn 7. janúar 2012 fyrir þéttsetnum sal í Síðumúla 6, Reykjavík. Var hann sérlegur gestur fundarins, þar sem hann hafur verið frá öndverðu verið mikill og góður stuðningsmaður félagsins. Þá voru þau einnig gestir þau Sigurlaug M. Jónasdóttir og Sigurður S. Svavarsson frá BATA. Eftir skýrslu Þóris Steingrímssonar, formanns, voru sýndar myndir úr félagsstarfinu og hvað væri framundan. Þá voru sýnd myndbrot úr þáttunum „Fólk með Sirrý“, „Kastljósi“ og „Andliti norðursins“ og RAX sat fyrir svörum og greindi fundarmönnum frá reynslu sinni eftir að hann fékk slagið í ágúst 2003. Hvatningarorðin frá honum „að halda bara áfram“ féllu í góðan jarðveg hjá fundarmönnum. Eftir kaffið kynntu þau Sigurlaug og Sigurður starfsemi BATA og sátu fyrir svörum.
