HEILAHEILL á Norðurlandi fór í sína árlegu sumarferð 9. júní í mjög góðu veðri. Farið var til Dalvíkur og þar skoðað byggðasafnið að Hvoli. Þar er mikið af gripum eftir Jóhann Svarfdæling (Jóa risa) og einnig mikið af gripum tengdum Kristjáni Eldjárn fyrrverandi forseta. Síðan var heilsað upp á Svan Jóhannesson á Hornbrekku Ólafsirði, hann hefur verið mjög duglegur að mæta á fundi. Hann treysti sér ekki í ferðina veggna veikinda. Síðan var haldið til Héðinsfjarðar og skoðað aðeins um. Borðuð var súpa á Siglufirði. Eftir það var haldið til Hofsós og skoðað þar Vesturfarasetrið.
Á Hofsósi hittum við Einar H. Einarson sem er félagi í HEILAHEILL, voru það fagnaðarfundir að hitta félaga sem ekki hefur sýnt sig áður. Margt spjallað og var hann með hópnum meðan dvalið var á Hofsósi. Skoðuð var sundlaugin þar sem er mjög flott með mjög skemmtilegu útsýni norður allann Skagafjörð. Fengu margir sér kaffi og köku á veitingarstaðnum Sólvík sem er mjög og notarlegt veitingahús sem er starfrækt á sumrin. Veitingahúsið er í “dokk” og var hitinn þar u.þ.b. 36° c í forsælu Síðan var haldið heim og komið um kl.18.30. Var þetta mjög góð ferð og allir fóru ánægðir heim.
