Það var fjölmenni á fyrsta fundi félagsins á þessu starfsári og flutti Þórir Steingrímsson, formaður, skýrslu um stöðuna og væntingar um starfsemina á komandi vetri. Minnti hann á hina regluleguLaugardagsfundi félagsins; svo og þriðjudagsfundina er vörðuðu valdeflingu félagsmanna með jafningjafræðslu; gönguhópinn; viðveru á Grensásdeild; væntanlega viðveru félagsmanna á B2; samvinnu við Hjartaheill; Slagdaginn; starfsemi félagsins á Akureyri; þátttöku félagsins á norrænu og evrópsku samstarfi o.s.frv., sem hægt er að nálgast upplýsingar um í viðburðardagatali á heimasíðu félagsins. Þá tók Edda Þórarinsdóttir, leikkona, við og skemmti fólkinu með skemmtilegum getraunaleik, ásamt Helgu Þórarinsdóttur, fiðluleikara og Kristjáni Pálssyni, píanóleikara og söngvara og kalla þau sig “Tvær á palli með einum kalli”! Strax eftir kaffi kom sérstakur gestur fundarins Davíð O. Arnar, yfirlæknir og hjartasérfræðingur, og flutti afar fróðlegt erindi um gáttatif, en ákveðið hefur verið að það verði eitt af meginverkefnum félagsins á þessu starfsári, – að vekja almenning alvaraleg til um hugsunar að “þekkja sinn púls”!
