14. september síðastliðinn efndu Söguferðir til jómfrúarferðar á íslenskar söguslóðir. Það þarf ekki að koma á óvart að Njála varð fyrir valinu. Sú ferð var undir leiðsögn sagnaþulsins Bjarna Eiríks Sigurðssonar (rithöfundar, fararstjóra og félaga í HEILAHEILL) og gat því tæpast gengið öðruvísi en samkvæmt björtustu vonum. Frábær ferð og full rúta, reyndar komust færri með en vildu.
 |
 |
|
| Þorleifur | Bjarnir E |
Þessi frumraun hefur orðið til þess að enn viljum við halda í spor feðranna og að þessu sinni kynna okkur einhverja dramatískustu ástarsögu sem rituð hefur verið, sjálfa Laxdælu. Við stefnum á að fara frá Umferðarmiðstöðinni laugardagsmorgun kl. 8:30, 19. október, ef veður verður gott.
Áætlað er að koma til baka um 17:30. Verðið er 15 þúsund. Við stoppum í Borgarnesi og skoðum landnámssýninguna. Að því loknu verður haldið í spor Guðrúnar Ósvífursdóttur og frændanna Kjartans og Bolla. Sagnaþulur verður Bjarni Eiríkur Sigurðsson og ef að líkum lætur verða fleiri til að leggja orð í belg. Á bakaleiðinni stoppum við enn á Landnámssetrinu og fáum okkur snarl og skoðum hina sýninguna sem helguð er Agli Skallagrímssyni frænda okkar flestra. Verð er sumsé 15.000 kr. (12.000 fyrir félaga HEILAHEILLA) og það sem hér hefur verið nefnt er innifalið. Ég vil ítreka að ferðin verður því aðeins farin að við fáum blíðviðri. Gott væri að fá viðbrögð við þessari hugmynd. Þriðjudaginn 15. ætti að verða veðurútlit að verða ljóst og þá þarf fólk að staðfesta.
Með blíðri kveðju: Þorleifur Friðriksson S: 564 3031
