Laugardaginn 12. ágúst héldu félagar Heilaheilla og gestir þeirra í reglulega sumarferð félagsins og þá til Vestmannaeyja í þetta sinn. Ekið var sem leið lá, í blíðskaparveðri, frá Reykjavík til Landeyjarhafnar. Þaðan var svo farið með Herjólfi, rúta og menn, og þegar út í eyjar var komið, var haldið beint á Stórhöfða. Þar var dvalið skamma stund í nær logni og undir heiðskírum himni. Þaðan var svo ekið um Vestmannaeyjar, þ.á.m. Eldfellið skoðað o.fl.. Þegar í miðbæinn var komið fundu menn til svengdar og var tekin ákvörðun um að borða á veitingastaðnum Slippurinn. Þar stóðust allir þar mætustu kröfum, bæði verð og gæði. Þá var haldið af stað og gossafnið Eldheimar skoðað. Þaðan var ekið um bæinn og komið var við í Skansinum og svo inn í Herjólfsdal. Eftir það var gengið um bæinn í blíðskaparveðri þar sem mikið var af fólki, – mest ferðamenn. Ferðalangar slöppuðu af og kynntu sér kaffihúsamenningu á hafnarbakkanum í Eyjum og fannst þeim vera komnir í alþjóðlegt umhverfi undan ströndum meginlandsins. Sjóferðin frá eyjunum gekk slysalaust og á leiðinni heim tóku menn til máls, – öllum til skemmtunar.
 |
 |
|
 |
 |
