Fyrsti laugardagsfundur HEILAHEILLA var haldinn í félagsaðstöðu þess að Sigtúni 42, Reykjavík, með nettengingu til allra félagsmanna, er gátu fylgst með. Þórir Steingrímsson, formaður félagsins flutti erindi um stöðu félagsins og starfið framundan. Greindi hann frá því að hann væri landsfulltrúi Íslands (national coordinator) innan SAP-E, ásamt Birni Loga Þórarinssyni, lyf- og taugasérfræðingi og Dr. Marianne Elisabeth Klinke, forstöðumanni fræðasviðs í hjúkrun tauga- og taugaendurhæfingasjúklinga, sem vinna á tagugadeildinni B2 á Landspítalanum. Fundað hefur verið ásamt dr. Önnu Bryndísi Einarsdóttur yfirlækni taugadeildarinnar; með sérfræðingum heilbrigðisráðuneytisins; ráðherrum og starfsmönnum landlæknisembættisins um innleiðingu Viljayfirlýsingar SAP-E – en markmiðin eru til að byrja með til ársins 2030:
- að fækka heilaslögum hér á landi um 10%;
- að meðhöndla sjúklinga með heilaslag hér á landi á sérhæfðri bráðaeiningu (stroke unit) um land allt, eins og er á Landspítalanum;
- að hafa landsáætlun um slagið er nær yfir allar heilbrigðisstofnanir frá sjálfbærni til lífs eftir slag;
- að innleiða að fullu áætlanir fyrir fjölþátta lýðheilsuaðgerðir til að stuðla að og auðvelda heilbrigðan lífsstíl og að draga úr umhverfisþáttum (þ.m.t. loftmengun), félagslegum og efnahagslegum þáttum sem auka hættu á skagi erum við sem þjóð meira og minna meðvituð um orsakir og afleiðingar heilaslags.
Sat hann fyrir svörum er fyrirspurnir bárust.
