Formaður Heilaheilla
Að láta slag standa nokkuð sem við félagar í HEILAHEILL þekkjum vel. Að verða fyrir áfalli og vinna úr því er ákveðið verkefni, sem allir sjúklingar þurfa að ganga í gegn um og bera sumir nokkurn kvíða á nýju ári. HEILAHEILL hefur ávallt staðið fyrir því að áfallið sé ekki endirinn og þetta sé ekki búið! Erfiðleikarnir eru eins mismunandi eins og mennirnir eru margir og hver og einn verður að glíma við sjálfan sig, bæði andlega og líkamlega til þess að ná árangri, annað er ekki í boði. HEILAHEILL er athvarf þeirra sem geta sótt stuðning í uppbyggingunni. Því er vert að skoða lýsingu Ævarrs Hjartarsonar hér á síðunnu undir „Frásögnum“, þar sem hann lætur ekki deigan síga, þrátt yfir erfiðleikana, en hann varð fyrir áfalli fyrir u.þ.b. 6 árum!
Margir hverjir hafa komið við sögu á laugardagsfundum félagsins á s.l. ári, bæði til fróðleiks, skemmtunar og hvatningar fyrir félagsmenn og vakið athygli á málefninu. Margir hafa líka lagt hönd á plóginn með því að styrkja félagið, t.a.m. hlaupið því til styrktar og tekið þátt í Slagdeginum svo nokkuð sé nefnt og eiga þeir allir þökk fyrir. Með þessum hætti erum við í þeirri trú að við séum að bjarga mannslífum.
Staða félagsins innan Sjáflsbjargar lsf. og í SAMTAUG gerir félgasmenn virka í umræðunni í samfélaginu. Það er eftir því tekið hvað HEILAHEILL lætur velferð „slagdeilda“ á Grensásedeild og á B2 innan Landspítalans sig varða, en von er að hún verði að veruleika á komandi ári.
Að lokum vil ég þakka öllum þeim sem hafa komið að öflugu félagsstarfi HEILAHEILLA á síðast liðnu ári og óska þeim velfarnaðar á nýju ári!
Þórir Steingrímsson
Formaður HEILAHEILLA
