Þeir sem fylgdust með Kómpásþættinum 4. des. s.l. um slag tóku eftir hetjulegri baráttu Guðbjargar Öldu Þorvaldsdóttur, arkitekts, í endurhæfingunni eftir áfallið. Þar sönnuðust slagorð Heilaheilla, “ÁFALL ER EKKI ENDIRINN” og “ÞETTA ER EKKI BÚIIÐ!”
Heimasíðan snéri sér að Guðbjörgu Öldu og innti hana eftir fyrstu jólunum eftir áfallið.
„Ég man eftir fyrstu jólunum mínum eftir slagið en það var ári seinna. Ég man lítið eftir jólunum 2000 sama ár og ég fékk slagið en þá var ég flutt heim með sjúkrabíl og eyddi jólunum með fjölskyldu minni, man hreinlega ekkert eftir þeim. Ári seinna, ég man eftir þeim jólum og voru þau ánægjuleg en ögn breytt því þá bjó ég hjá fjölskyldunni minni og var hætt með kærastanum mínum til sjö ára. Mikill stuðningur vina og fjölskyldu gerði mér kleift að ná mér og aldrei fann ég fyrir einmanaleika. Þannig að þetta er ekki búið þó að þú lendir í áfalli eins og ég lenti í. Það sem hjálpaði mér var að hugsa jákvætt og halda áfram sama hvað bjátar á. Svo fékk ég líka mjög góðan stuðning hjá tilvonandi eiginmanni mínum sem er ómetanlegt.“
Þeir sem vilja fræðast meira um reynslu Guðbjargar Öldu, finna frásögn hennar hér á síðunni.
