Stjórnarfundur Heilaheilla haldinn miðvikudaginn 31 maí kl. 15:00 að Sigtúni 42
Mættir. Þórir Steingrímsson, form., Baldur Kristjánsson, ritari, Axel Jespersen, gjaldkeri, Kolbrún Stefánsdóttir og Páll Hallfeður Árdal er var í fjarsambandi frá Akureyri.
Útgefin dagskrá var svohljóðandi:
1. Formaðurinn gefur skýrslu
2. Fjármál félagsins
3. Ráðning framkvæmdastj. skv. 5. tl. stjórnarfundar 15.03.2017
4. Endurnýjun heimasíðunnar – tilboð
5. Myndband félagsins
6. Athygli – kynning appsins
7. Sumarferð 2017
8. Önnur mál
|
|
|
|
|
|
|
|
|
Dagskránni var fylgt nákvæmlega og gekk fundurinn þannig fyrir sig:
- Ekki mikið gerst utan þátttaka í föstum liðum svo sem þáttaka í HHH, Safe o.s.frv. Öryrkjabandalagið var að styrkja Heilaheill um 2,8 miljónir og Velferðarráðuneytið 2 miljónir kr. bundnar kynningu á “appinu”. Endurnýjun heimsíðunnar líka rædd. Rætt um kynningu á ,,appinu”en tilboð um það verkefni liggur fyrir. Kolbrún skýrði frà stjórnarfundi hjá Safe. Kolbrún leggur til að samstarfinu í Safe verði haldið áfram.
- Axel gerð grein fyrir fjármálum Heilaheilla. Inneign á reikningum er nú kr. 3716522. Farið yfir ársreikning síðasta árs. Tap á rekstri á síðasta ári 827000. ,,Appið” setur okkur í þennan mínus. Rætt um kynningarstyrk ráðuneytisins og hvernig honum verður ráðstafað. Fyrir liggur að Öryrkjabandalagið, Heilaheill og Velferðarráðuneytið gefa saman út kynningarmyndband.
- Axel og Kolbrún gera tillögu: Skoðuðu launaþróun í landinu hjá Hagstofu og Verslunamannfélaginu. Samkvæmt tölum Hagstofu ættu tölur samningsins að hækka úr 990.000 kr. upp í 1.087.000 kr., en upp í 1.060.300 kr. skv. launavísitölu VR. Samþykkt að miða við þessar vísitölur og hækka samninginn upp í 1.100.000 krónur. Samningurinn verði tekinn upp í byrjun næsta árs og skoðaður m.a.m.tilliti til fjárhagsstöðu félagsins. Þórir vék af fundi meðan launamál vou rædd. Fyrirspurn kom um launafærslu 2017 og var Axeli falið að skýra út á næsta fundi.
- Þrjú tilboð um endurnýjun heimasíðu hafa borist. Upp á 668 þúsund og uppá ca. 500 þúsund, sú þriðja upp á 1.3 miljónir. Snjallsímavæða þarf heimasíðuna og fl. fl. Fundarmenn sammála því að endurnýja þurfi heimsíðuna. Bera þarf tilboðin saman. Kolbrún gerði það reyndar og taldi eitt tilboðið skýrast (frá Allra8) en var ekki ánægð með verðið. Samþykkt var að fá Helga Pál Þórisson til þess að meta tilboðin faglega.
- Þórir skýrði frá myndbandinu sem er m.a. ætlað að kynna ,,heilaappið”.
- Tilboð liggur fyrir frá Athygli um kynningu heilaappsins. Páll Árdal hvarf af fundi. Rætt um leiðir til þess að mæta kostnaði og um innihald slíks myndbands. Frestað. Þórir kanni með bíóauglýsingar. ‘
- Stefnt að því að fara til vestmannaeyja 12. ágúst. Þórir kynnti mögulega dagskrá og mögulega fararstjóra.
Fleira ekki gert. Fundi slitið.
Baldur Kristjánsson, ritari
|
