Formaður HEILAHEILLA, Þórir Steingrímsson, hélt fund með félögum á kaffistofunni Salt Café Bistro á Egilsstöðum 29.07.2013, er hann var staddur þar eystra. Blaði félagsins “Slagorð” og “Slagkortinu” var dreift meðal gesta og var gerður góður rómur að. Mikil bjartsýni var með félagsmönnum og fannst þeim að félagið ætti mikið erindi til fólks á austurlandi. Töldu félagar að með þessari heimsókn væri hægt að mynda meiri tengsl við slagþolendur í þessu héraði, er væru því miður ekki mikið í sambandi sín á milli. Var að ráði að halda kynningarfund, þá einnig með starfsfólki heilbrigðiskerfisins á austurlandi í byrjun september og væru góðir gestir “að sunnan” fengnir til að fylgja því eftir.
