Fimmtudaginn 20. nóvember kynnti Þórir Steingrímsson, formaður HEILAHEILLA, starfsemi félagsins fyrir vistmönnum Blindrafélagsins, samtökum blindra og sjónskertra á Íslandi, í Hamrahlíð 17, 105 Reykjavík. Fór hann yfir starfsemi félagsins og brýndi fyrir vistmönnum að láta vita af sér í 112, í Neyðarlínuna, þegar þeir verða varir við fyrstu einkenna slagsins, sjóntruflun; andlitslömun; lömun útlima og glatað mál, undir höfuðstöfunum S–L–A–G! Þá lagði hann einnig áherslu á að menn nýttu sér app félagsins sem hægt væri að sækja á snjallsímann sinn í “Apple Store“; “Windows Store” eða “Google Play“, með því að slá inn “Heilaheill”. Appið biður um kennitölu, er gerir það að verkum að þegar áfallið dynur yfir, getur einstaklingurinn notað appið, valið 112! Tækið sendir kennitölun viðkomandi til Neyðarlínunnar, er gefur starfsmönnunum þar skilaboð um hver sé að kalla á aðstoð og staðsetur hann upp á meter í gegnum GPS-tækni, hvar sem hann er staddur á landinu!! Með þessum hætti hægt að koma í veg fyrir frekari skaða. Margar fyrirspurnir voru bornar fram og nokkrir vistmenn er höfðu orðið fyrir áfallinu létu vita af sér.
