Aðalfundur HEILAHEILLA haldinn í aðstöðu félagsins að Sigtúni 42, 105 Reykjavík, með tengingu í gegnum ZOOM-forrit, í sal Einingar-Iðju Skipagötu 4. september 2021, 600 Akureyri, 4.september 2021 kl.13:00. Fundarstörf fóru fram samkvæmt lögum félagsins og var Gísli Ólafur Pétursson, kosinn fundarstjóri. Undir lið skýrslu stjórnar flutti formaðurinn, Þórir Stein-grímsson, stutt yfirgrip yfir starfsemi félagsins 2020 og hvert stefndi. Páll Árdal, gjaldkeri, fylgdi síðan reikningi ársins 2020 eftir og að loknum fyrirspurnum var skýrsla stjórnar og reikningarnir samþykkt einróma. Þeir Baldur B E Kristjánsson og Páll Árdal luku sínu kjörtímabili innan aðalstjórnar og gáfu aftur kost á sér og endurkjörnir til næsti tveggja ára, – til 2023. Tveir nýir stjórnarmenn, Kristín Árdal og Sædís Björk Þórðardóttir voru kjörnar í stjórn. Þau Valgerður Sverrisdóttir og Þór Sigurðsson voru kjörin skoðunar-menn reikninga.
Undir liðnum önnur mál greindi formaðurinn frá starfsemi félagsins, m.a. um átakið SAP-E, (Stroke Action Plan for Europe) þar sem gert er ráð fyrir að hvert land fyrir sig innan samtakanna vinni að samkomulaginu skv. sérstakri greiningu en þar er kveðið á um samkomulag er samtökin ESO (European Stroke Association) og SAFE (Stroke Alliance For Europe) gerðu með sér í Helsinki 2018, og tók gildi 2020, undir vinnuheitinu SAP-E, (Stroke Action Plan for Europe) þar sem gert er ráð fyrir að hvert land fyrir sig innan samtakanna vinni að samkomulaginu skv. sérstakri greiningu.
Taldi formaðurinn að íslensk stjórnvöld ættu að taka þátt í viljayfirlýsingu annarra Evrópuþjóða um baráttuna gegn heilablóðfalli, – að draga úr fyrirsjáanlegri aukningu sjúkdómsins um 10% til ársins 2030, eftir 4 liðum. Fundarmenn fengu sér kaffi og meðlæti og gættu fjarlægðar-marka á þessum Covid-tímum. Að lokum sleit fundarstjóri fundi og fóru menn bjartsýnir heim.
