Fjarfundarfyrirkomulag HEILAHEILLA eflist!

Þar sem heimsfaraldurinn Covid-19 gengur yfir heimsbyggðina um þessar mundir og bönnin eru allt frá takmörkuðu samkomubanni til útgöngubanns, – þá er einsýnt að hlé verður á fundarhöldum í félaginu og þau verða ekki með sama hætti og áður.  Félagar í Heilaheill eru háðir sem stendur 20 manna samkomubanni og ekki er sýnt að því verði aflétt á næstunni. Var velheppnaður fjarfundur haldinn í gegnum tölvu og snjalltæki laugardaginn 11. apríl s.l., þar sem félagar ræddu stöðuna.  Á fundinum kom m.a. fram áhyggjur um þá er fá heilablóðfall í dag, en þeir eru nær því tveir, hvernig er þjónusta heilbrigðiskerfisins háttað er þá varðar, því heilablóðföllum fækkar ekki þó heimsfaraldur gengur yfir landið.  Var það rómur manna að fylgjast vel með líðan sinna skjólstæðinga og hittast aftur á fjarfundi 2. maí kl.11:00.