Miðvikudaginn 20.09.2006 var fundur í samskiptum fulltrúa SAMTAUGAR, samkvæmt yfirlýsingu um samstarf með Landspítala-háskólasjúkrahúss og SAMTAUGAR á taugadeild sjúkrahússins B2 í Fossvogi, sem Heilaheill er aðili að. Í samstarfi félaga taugasjúklinga eru eftirtalin félög: Félag MND – sjúklinga; Heilaheill; LAUF – Landssamtök áhugafólks um flogaveiki; MG – félag Íslands; MS – félag Íslands og Parkinsonsamtökin á Íslandi.
Sameiginlega lýsa þessir aðilar yfir vilja sínum til að eiga samstarf með skipulegum hætti um mál sem varða skjólstæðinga félaganna og tengjast LSH. Þennan fund sátu þeir Þórir Steingrímsson, Pétur Ágústsson og Valdimar Arnþórsson f.h. Samtaugar og Marianne Elisabeth Klinke og Jónína Hallgrímsdóttir, deildarstjóri, f.h. LSH, fulltrúar “Stroke-teymisins” á taugadeildinni B2 og fóru yfir stöðuna. Á fundinum voru einnig stjórn Heilaheilla, þau Albert Páll Sigurðsson, [sem einnig er fulltrúi í Stroke-teyminu], Bergþóra Annasdóttir, Jónína Ragnarsdóttir og Ellert Skúlason.
Lagði Marianne Elisabeth fram mótaðar hugmyndir um samvinnu aðila og var það að samkomulagi fræðslustarfið yrði samkvæmt framlagðri dagskrá, þar sem heilaslag yrði verkefni hópsins til að byrja með. Var það að ráði að Heilaheill riði á vaðið með þetta samstarf og notaði það sem frumraun sem aðildarfélög SAMTAUGAR gætu lært af í framtíðinni og notað í samskiptum sínum við LSH.
Þá kom aftur fram að fyrir dyrum stendur að stofna sérstaka deild á taugadeildinni B2, með starfsliði sem sérhæfði sig í meðferð á sjúklingum sem fengið hafa heilaslag.
