Fimmtudaginn 29.júní 2006 var fundur í samskiptum fulltrúa SAMTAUGAR, þeirra Valdimars Arnþórssonar, Péturs Halldórs Ágústssonar, Þóris Steingrímssonar og fulltrúa LSH, þeirra Jónínu Hafliðadóttur og Marianne Elisabeth Klinke, samkvæmt undirritaðri yfirlýsingu um samstarf með Landspítala-háskólasjúkrahúss og SAMTAUGAR á taugadeild sjúkrahússins B2 í Fossvogi. Í samstarfi félaga taugasjúklinga eru eftirtalin félög: Félag MND – sjúklinga; Heilaheill; LAUF – Landssamtök áhugafólks um flogaveiki; MG – félag Íslands; MS – félag Íslands og Parkinsonsamtökin á Íslandi. Sameiginlega lýsa þessir aðilar yfir vilja sínum til að eiga samstarf með skipulegum hætti um mál sem varða skjólstæðinga félaganna og tengjast LSH.
Þessi fundur var afar gagnlegur fyrir báða aðila og þær Marianne og Jónína kynntu athyglisvert fræðsluátak á vegum LSH, sem greint verður frá seinna, um fræðslu á sjúkdómum sem SAMTAUG samanstendur af. Ýmis atriði voru rædd á þessum fundi og voru fulltrúar með margar góðar hugmyndir um þetta samstarf. Það sem skaraði þó framúr að Marianne sagði að fyrir lægi áætlun um fræðsluátak, þá sérstaklega fyrir heilablóðfallssjúklinga og aðstandenda þeirra, í september og október n.k. og síðan myndi nóvember vera fræðsluátak tileinkað MS-sjúklingum. Sagði Marianne að sú vinna þegar komin í gang og væntu fundarmenn mikils af þessu framtaki, þar sem þeir litu á þessa framkvæmd sem góða byrjun á þessu samstarfi.
“Það er greinilegt að eftir þennan fund standa spjótin svolítið á HEILAHEILL, að ríða á vaðið” sagði einn fulltrúanna, Þórir Steingrímsson formaður félagsins, við heimasíðuna og sagði að það væri mikið undir félagsmönnum komið hvernig til tækist. “Nú er tækifærið félagsmanna, í samstarfi við SAMTAUG, að leita upplýsinga og skiptast á skoðunum um sjúkdóminn og eftirmeðferð hans”.
Þessi fundur er góð byrjun og aðilar komi sér saman um að halda næsta fund 08.08.2006 kl.13:00 á B2, Fossvogi.
