Að vanda hittust félagar Heilaheilla 1. september á fjölsóttum og opnum fundi félagsins í Rauða salnum að Hátúni 12, á sínum „Fyrsta laugardegi hvers mánaðar“. Formaðurinn Þórir Steingrímsson greindi frá því sem gerst hafði á s.l. sumri m.a. sumarferðinni og Reykjavíkurmaraþoninu, þar sem þau hjónin Sigurður H Sigurðarson og Guðrún Jónsdóttir hlupu heilt maraþon, 42 km. til að safna áheitafé Glitnis til heilla Heilaheill. Greint var frá því að hún fékk heilaslag 2006 og þá hlupu þau hjónin þá 10 km. Þá voru einnig sýndar svipmyndir af hlaupinu og frá afhendingu áheitafésins. Þá flutti Ingólfur Margeirsson erindi um „Útrás Heilaheilla“, þar sem hann var nýkominn úr Noregsferð og sagði þar frá starfi félagsins. Greindi Ingólfur frá því að Norðmenn hefðu dáðst að starfi Heilaheilla og markmiðum þess. Þá var gætt á gómsætum veitingum kaffihópsins og síðan var gerð grein fyrir væntanlegum „Slagdegi“, laugardeginum 20. október 2007. Albet Páll Sigurðsson, taugasérfræðingur og stjórnarmaður í Heilaheill greindi frá í grófum dráttum frá áhættumati sem hægt er að gera á almenningi í verslunarmiðstöðvum höfuðborgarsvæðisins. Að lokum greindi Edda Þórarinsdóttir, úr framvarðasveit Heilaheilla, frá hetjulegri endurhæfingu píanósnillingins heitir Izumi Tateno, er kvæntur finnskri konu og býr í Finnlandi. Hann hafði alla tíð ferðast mikið um heiminn sem píanisti þegar hann skyndilega, árið 2002, lenti í því að fá heilaslag þar sem hann var hann að spila á tónleikum. Spiluð voru píanóverk er hann lék eftir heilaslagið.
