Formaður HEILAHEILLA, Þórir Steingrímsson, hélt fyrirlestur um slagið hjá Kiwanisklúbbnum JÖRFA í Reykjavík á Broadway 21 október sl.. Greindi hann frá reynslu sinni á áfallinu og endurhæfingu, en það eru liðinrúmlega 9 ár síðan það gerðist. Kynnti hann HEILAHEILL og með hvaða hætti félagið stendur fyrir félagsstarfi, fræðslu til almennings um slag (einnig nefnt heilablóðfall, en þetta er samheiti yfir blóðtappa (blóðþurrðarslag) og blæðingar (blæðingarslag)). Þá greindi hann frá reynslu sinni í samskiptum sínum við slagþolendur um land allt. Þá greindi hann frá að félagið væri með virkt félagsstarf, heimasíðu, Facebook, YouTube myndskeiðum o.s.frv. Margar fyrirspurnir voru lagðar fram og í lokin færði forseti Baldur Árnason honum fána klúbbsisn að gjöf.
