Laugardagsfundur HEILAHEILLA var haldinn 5. apríl 2025 í ODDSSTOFU Mannréttindahúss ÖBÍ, við góða aðsókn og með opinni Zoom-tengingu, – er hægt var að sækja á heimasíðunni. Formaðurinn Þórir Steingrímsson opnaði fundinn og bað alla velkomna og kynnti sérstaka gesti fundarins, er voru Finnbogi Jakobsson, taugasérfræðingur á endurhæfingardeild Landspítalans, Grensás, er fór yfir spasticities/spasma eftir slag á afar áhugaverðan og ýtarlegan hátt og Kim DecRoy, framkvæmdastjóri Elevate Movement, er kynnti framleiðslu á Sstep-sokkum, er gætu valdið straumhvörfum í endurhæfingu göngulags slagþola, – sér í lagi á bráða stigi (Acute Management of Stroke). Sýndu fundarmenn málefninu mjög mikinn áhuga og sköpuðust líflegar umræður. Sátu þeir báðir fyrir svörum um endurhæfingu slagþola og var gerður góður rómur að! Hægt er að afla frekari upplýsinga um Elevate Movement á vef fyrirtækisins.
