Dagurinn byrjaði vel, við mæðgur fórum í búðarráp að kaupa okkur sólavörn ofl, við vorum að fara til Portugal eftir viku. Ég fór niður í Baðhús í leikfimi kl.17.00 eins og ég var vön að gera á mán, mið, og föstudögum. Var í miðjum tíma þegar ég lá eins og skotinn á gólfinu er mér sagt. Veit ekkertaf mér fyrr en í byrjun ágúst en þetta var 16. júlí 2001. Þegar ég ranka við mér var búið að fara með mig í aðgerð til Osló og þvílíkir snillingar þarna úti. Ég hafði lítinn mátt í vinstri hlið til að byrja með en með góðri þjálfun kom það aftur smátt og smátt. Gat lítið gert af þessu venjulega fyrstu vikurnar eftir áfallið en með þrjóskuna að vopni og hjálp frá góðu fólki hef ég náð mér að mestu leit. Er orkuminni en ég var en hvaða máli skiptir það ég er á lífi og er farinn að vinna hluta úr degi og get notið þess að vera með fjölskyldu og vinum.
