Formaður HEILAHEILLA, Þórir Steingrímsson, sat annan fund nýkjörinnar stjórnar SAFE (Stroke Alliance For Europe) í Barcelona 7.-8. apríl. Á fundinn komu stjórnarmenn hvaðanæva úr Evrópu, m.a. frá Ítalíu, Spáni, Bretlandi, Svíþjóð, Noregi, Íslandi, Hollandi og víðar. Aðildarfélögin eru mörg með fulla aðild, önnur með samstarfsvettvang og önnur eru í umsóknarferli. Af þessu samstarfi hafa Íslendingar lært margt og orðið margvísari um virkni félaga, eftir því í hvaða landi þau eru. Hefur það orðið að ráði að skipta Evrópu í 4 svæði og sjá lyfjafyrirtækin um að sjúklingafélögin geti komið saman og borið saman bækur sínar, án afskipta þeirra, enda er lagaumhverfi þeirra afar strangt. Á myndinni sjást nokkrir stjórnarmenn þar sem þeir eru að halda hver til sinna heima.
