SAFE mælir með fagráði og slagdeild!

Formaður HEILAHEILLA Þórir Steingrímsson, tók þátt í aðalfundi (fjarfundi) SAFE  (Stroke Alliance for Eruope) 25. nóvember og lét Jon Barrick frá  Bretlandi af störfum sem forseti samtakanna eftir fjögur ár og við tók Hariklia Proios frá Grikklandi (Makedóníu).  Í lokaræðu sinni hélt hann erindi um upphaf SAFE, sem var árið 2004, en þá  stofnuðu 7 þjóðir samtökin, en í dag eru þær orðnar 30.  HEILAHEILL gerðist aðili að samtökunum 2011 og hefur fylgist með framförum í heiminum og Evrópu um heilablóðfallið og borið íslenskt heilbrigðiskerfi saman við það sem gerist á Evrópusvæðinu.  Nokkuð metnaðarfullt og nýhafið átaksverkefni stendur nú yfir sem var nokkuð rætt á fundinum, SAPE,   (Stroke Action Plan for Europe 2018-2030), sem er samstarfsverkefni SAFE og ESO, (European Stroke Organization), sem eru samtök fagaðila er veitir bæði leikum og lærðum í Evrópu almenna læknisfræðslu um slagið.  Að venju voru ýmis málefni tekin fyrir, þ.á.m. SAPE sem stendur fyrir áætlun í fjórum liðum, m.a. að fækka heilablóðföllum í Evrópu um 10%; að meðhöndla 90% eða meira af sjúklingum með heilablóðfall í Evrópu á sérstökum slagdeildum (stroke unit) sem fyrsta stig umönnunar og að hafa landsáætlun um heilablóðfall (fagráð) sem nær yfir allar heilbrigðisstofnanir frá sjálfbærni til lífs eftir heilablóðfall er innleiðir að fullu innlendar áætlanir fyrir fjölþætta lýðheilsuaðgerðir til að stuðla að og auðvelda heilbrigðan lífsstíl og að draga úr óheilbrigðum umhverfisþáttum (þ.m.t. loftmengun o.s.frv.), félagslegum og efnahagslegum þáttum sem auka hættu á heilablóðfalli.  Það sparar mikið fjármagn hjá hinum opinbera, með því að draga úr afleiðingum heilablóðfalls.  Því er hvorttveggja nauðsynlegt, – fagráð og slagdeild!