Stjórnarfundur Heilaheilla kl.17:00 fimmtudaginn 14. nóvember 2019 í Oddsstofu Sigtúni 42, Reykjavík með tengingu til Akureyra þar sem Páll H. Árda sat, en syðra voru Bryndís Bragadóttir, Kolbrún Stefánsdóttir, Baldur Benedikt Ermenrekur Kristjánsson og Þórir Steingrímsson. Dagskrá hafði verið send út í þrem liðum.
1. Skýrsla formanns.
Formaður fór yfir málþing Heilaheilla sem haldið var í Norræna húsinu. Öll orka fór í það að undirbúa málþingið sem tókst vel að sögn formanns. Tæplega 30 manns sóttu málþingið. Frummælendur voru Hjalti Már Þórisson, röntgenlæknir sem fjallaði um nýjungar í innæðaþræðingu; Stefán Ingvarsson forstöðumaður Grensásdeildar sem fjallaði um endurhæfingu á deidinni og Valgerður Sverrisdóttir sem fjallaði um eigin slag. Svandís Svavarsdóttir heilbrigðisráðherra setti þingið með nokkurri ræðu þar sem hún hrósaði starfi Heilaheilla óspart. Fram kom að 64 horfðu á þingið á netinu. Fram kom einnig að ,,streymingin” kaffi og salurinn kostuðu 50 þúsund krónur.
Þá fór formaður yfir nýfarna fundarferð á Austurlandi en formaður og ritari héldu fræðslufundi um slagið, appið ognir voru í samvinnu við fagfólk í fjórðungnum og tóku fagaðilar virkan þátt í fundinum à Neskaupsstað og voru viðstaddir á hinum og svöruðu spurningum. Fjölpóstur var sendur út í 3000 eintökum. Páll fór yfir það að 40 manns hefðu verið á fræðslufundi á Dalvík 13. nóvember það sem Páll og Ólöf Stefánsdóttir fóru yfir málin. Dalvík 40 manns á þeim fundi.
2. Fjárhagsstaðan.
Páll fór yfir kostnað við fundina og málþingið og rėtt er að gróf sundurliðun hans leggist fram sem fylgiskjal með fundargerð þessari. Almennt álit fundarfólks var að ekki þyrfti að hafa åhyggjur af fjárhagnum en staðan kallaði á varkárni og sparnað. Samþykkt var að stofna ekki innheimtukröfur í banka, senda frekar ítrekun
3. Önnur mál.
- Samþykkt var að sækja um styrk til Norðurorku um verkefnið að ,,endurhæfa gamalt fólk”.
- Samþykkt var að formaður héldi áfram að hamra á ráðuneytinu um styrki og framlög. Þórir kynnti hugmynd um 27 mínútna kvikmynd á vegum Heilaheilla um segulbrottnámið. Áætlaður kostnaður að 3 miljónum. Páll Kristinn Pálsson kvikmyndagerðarmaður og Björn Logi Þórarnsson læknir og Þórir Steingrímsson ræddu þessa hugmynd.
- Samþykkt var að sleppa laugardagsfundi í desember m.a. af fjárhagsástæðum og halda fremur myndargan nýársfund.
- Upplýst var að undirritaður hefði tekið að sér að bregðast við beiðnum um umsagnir um frumvörp frá Alþingi sem berast Heilaheill í gegnum Öryrkjabandalagið. Hyggst undirritaður rita umsagnir um frumvörp er snerta Heilaheill beint eða óbeint og kynna umsagnir í stjórninni eftirá. Í greinilegum álitamálum yrði þó rėtt að leggja málið fyrir stjórn. Ekki var gerð athugasemd við slíkt fyrirkomulag. Fleira gerðir ekki.
Fundi slitið kl. 18:30.
Baldur Kristjánsson, ritari
