Úkranía fyrsta landið í SAP-E!

Formaður HEILAHEILLA, Þórir Steingrímsson, var þátttakandi á aðalfundi SAFE sem var haldinn 16. júní s.l. og fóru aðalfundarstörf fram skv. venju.  Fram kom að Litháen hefur gengið til liðs við Úkraínu, sem annað land til að fá stjórnvöld til þess að undirrita viljayfirlýsinguna um evrópska aðgerðaráætlun SAP-E, sem HEILAHEILL hefur þegar sent íslenskum stjórnvöldum erindi um, sem hafa gefið góða von um að það verði tekið fyrir í haust.  Eins og lesendur vita að þá hefur félagið HEILAHEILL ákveðið að taka þátt í sameiginlegu átaki evrópskrar aðgerðaráætlunar SAP-E, (Stroke Action Plan for Europe), þar sem fagaðilar og sjúklingar í Evrópu taka höndum saman er varðar heilablóðfallið, byggt á undirrituðu samkomulagi er samtökin ESO (European Stroke Association) og SAFE (Stroke Alliance For Europe) gerðu með sér 2018.  Þar er gert er ráð fyrir að hvert land fyrir sig innan samtakanna vinni að ákveðnum markmiðum er varðar heilablóðfallið.  Með þessu samkomulagi er HEILAHEILL formlegur aðili SAP-E og er þegar hafin samvinna við fagaðila hér á landi um það. Á ráðstefnu SAFE í framhaldinu á aðalfundinum flutti fulltrúi Úkraníu erindi um sína vinnu við að koma viljayfirlýsingunni á framfæri við sín stjórnvöld og 19. maí 2021 tilkynnti úkraníska heilbrigðisráðu-neytið um að hafa undirritað yfirlýsinguna.  Þar kom einnig fram árið 2020 var bráðum heilaslögum veitt forgangsröðun í Úkraínu þar sem dánartíðni þeirra er hærri en í flestum Evrópulöndum.  Talið er að allt að 130000 manns deyi þar vegna slags á ári og 30-40% fólks sem fær heilablóðfall, deyr innan fyrsta mánaðar frá upphafi þess.  Gerum við okkur vonir um að íslensk stjórnvöld taki þátt í Evrópusamfélaginu um baráttunni gegn slagi!