Fyrirbygging heilablóðfalla hjá einstaklingum í mikilli hættu
Heilablóðföll eru ein stærsta lýðheilsuáskorunin og búist er við að áhrif þeirra muni aukast í framtíðinni. Klínískar rannsóknir eru mikilvægar til að finna leiðir til að fyrirbyggja heilablóðföll. Roland Veltkamp youtu.be/uk64KLOeKJg
Heilablóðfall getur átt sér stað þegar truflun verður á blóðflæði til heilans, svo sem vegna blóðtappa (blóðþurrðarslag) eða blæðinga í heila (heilablæðing).
Gáttatif (atrial fibrillation, AF) er algengasta form óreglulegs hjartsláttar. Það getur valdið því að blóðtappar myndist í hjartanu, sem geta borist til heilans og valdið blóðþurrðarslagi. Talið er að 20% allra blóðþurrðarslaga séu af völdum gáttatifs.
Evrópsku samtökin um heilablóðfall (Stroke Alliance for Europe) gengu til liðs við PRESTIGE-AF rannsóknina árið 2018 og nú stendur yfir skráning þátttakenda í rannsóknina sem ætlað er að kanna hvernig koma megi í veg fyrir frekari heilablóðföll hjá einstaklingum sem hafa þegar fengið heilablæðingu og eru í mikilli hættu á að fá blóðtappa af völdum gáttatifs.
Þessi sjúklingahópur er í aukinni hættu á að fá bæði blóðþurrðarslag og heilablæðingu. Ekki liggja enn fyrir nægar vísbendingar til þess að læknar viti hvernig best sé að koma í veg fyrir heilablóðföll hjá sjúklingum sem hafa báða sjúkdómana.
Fólk með gáttatif fær venjulega ávísað segavarnarlyfjum til að koma í veg fyrir blóðtappa, en það verið of hættulegt fyrir einstakling sem hefur áður fengið alvarlega blæðingu. Ef PRESTIGE-AF getur skráð nægilega marga þátttakendur í rannsóknina, verður hægt að svara spurningunni um hvort þessir einstaklingar geti tekið segavarnarlyf á öruggan hátt eða hvort þeir ættu að forðast þau.
Einstaklingar sem taka þátt í klínískum rannsóknum eru afar mikilvægir fyrir framgang meðferðar á heilablóðföllum. Rannsóknaraðilar hjá PRESTIGE-AF vilja hvetja einstaklinga sem hafa þessa sjúkdóma til að nálgast upplýsingar um rannsóknir sem standa yfir á þeirra svæði og hafa samband við þá í gegnum www.prestige-af.org
